نخدم الزبدة مع السكر جيدا ثم نضيف البيض والزيت ونخلط مزيان نضيف القهوة ونخلط ونضيف الدقيق المغربل مع الخميرة بالتدريج الى ان نحصل على عجينة متماسكة نتركها ترتاح في الثلاجة لمدة 30د على الاقل. ثم من بعد نبسطها بين 2 بلاستيكات تقطع حسب الشكل المرغوب تدخل الى الفرن لتتحمر قليلا ثم نخرجها ونلصق قطعتين بالشكلاط ونغطسها كاملة في الشكلاط وتزين بخيوط من الشكلاط وتترك حتى تبرد وتقدم بالصحة والراحة.
غريبة بالكوك-
المقادير
نخلط جميع المكونات ونشكل منها كويرات تفند في السكر كلاصي وندخلها الفرن سخون العافية من الفوق بمجرد ما تشقق نشعلو العافية من الاسفل باش تكمل طيابها وبالصحة والراحة.
غريبة بالجلجلان معلكة وصحية
المقادير
رابعة الجلجلان محمر ومطحون
رابعة الكوك
رابعة السكر
كاس زيت
4 بيضات
1 خميرة الحلوى.
للتزيين جلجلان محمر وماء الزهر.
الطريقة
نخلط الجلجلان مع الكوك والسكر ثم نضيف البيضات والزيت وقبيصة ملح نخلط الكل مزيااان ونترك الخليط يرتاح في الثلاجة لمدة 3 ساعاتعلى الاقل ثم من بعد نضيف الخميرة ونخلط وندهن اليد بماء الزهر ونعمل من الخليط كويرات متوسطة الحجم ندوزها في الجلجلان وندخلها الفرن مسخن حتى تحمر شوية.
حلوة الهلال بكاوكاو-
المقادير
250غ الزبدة
500غ الطحين
60غ السكر الصقيل
ملعقة كبيرة قهوة سريعة الذوبان
1 خميرة الحلوى
كيس فاني
2 اصفر البيض
100غ كاوكاو محمر ومطحون.
100غ كاوكاو محمر ومهرمش للتزيين
ابيض البيض للتفنيد.
الطريقة
نخدم الزبدة مع السكر جيدا نضيف باقي المقادير نشكل هلاليات نغطسها في ابيض البيض ثم تفند في كاوكاو مهرمش وندخلها الفرن تحمر .
غريبة الجلجلان-
المقادير
رابعة اي 250غ الزبدة
كاسان السكر
كاس زيت
2 بيضات
كاس الجلجلان محمر ومطحون
1خميرة الحلوى
قبيصة ملح
حبيبات الشكلاط
الطحين حسب الخليط.
الطريقة
نخلط جميع المكونات ونضيف بالتدريج الطحين الى ان نحصل على عجينة متماسكة وطرية نضيف في الاخير الشكلاط ونخلط ونشكل كويرات تصفف في اللاطة ونرشمها باي نوع مرشم متوفر وندخلها الفرن تحمر شوية نخرجها ونتركها تبرد ثم نفندها في السكر كلاصي وبالصحة والراحة.
الفقاص بالفغمسيل
المقادير
6 بيضات
كاسان زيت
كاس السكر
4 معالق كبار الفرميسيل
روح الكراميل
قبيصة ملح
2 خميرات الحلوى
الدقيق حسب الخليط تقريبا 1 كليو غرام
الطريقة
نخلط جميع المكونات ونشكل منها حرابل طويلة ندهنهم باصفر البيض مطرب مع قليل من قهوة سريعة الذوبان ونعمل تموجات بواسطة فرشيط وندخله الفرن اطيب نصف طياب يخرج ويترك يبرد ثم يقطع على شكل مائل ويرجع الى الفرن كي يتحمر من الجهتين .ويقدم بالصحة وراحة مع تحياتي