السلام عليكم ورحمة الله وبركاته موقع ام ايمن يقدم لكم سلو المعروف عندنا في المغرب يقدم في شهر رمضان المبارك من اعداد الاخت سعدية
السلو او ما يعرف بالسفوف بطريقتي المعتمدة -
2كيلو اللوز مسلوق ومقلي ومهرمش
كيلو ونصف الجلجلان محمر كيلو مطحون والنصف صاين ..
كيلو الزبدة سبيسيال مذوبة
700غ السكر كلاصي نوع ممتاز
كيلو العسل نوع زمزمي
2 كيلو والنصف الدقيق الفورص محمر
رابعة 250غ النافع منقي ومطحون ومغربل
100غ حبة حلاوة منقية ومحمرة ومطحونة
ملعقة كبيرة القرفة
قليل من مسكة حرة مدقوقة مع قليل من السكر مزيان
حبة كوزة محكوكة.
الطريقة...
نخلط جميع المكونات الناشفة ..
نذوب الزبدة ونزولو ليها الماء او الحليب اللي كيبقا في قعر الاناء نضيف العسل ونرد فوق النار حتى كيذوب العسل مباشرة نضيفه الى مكونات الناشفة ونخلط مزيان بحال الا كندلكو العجين باش اتشرب الكل يترك يبرد من بعد نحتافظ به في العلب البلاستيكة وعند التقديم ممكن نزينه بحبات اللوز ..
للاشارة ممكن نحتافظ به في الثلاجة في الفريكو لمدة اطول.
 |
 |
 |
