السلام عليكم ورحمة الله وبركاته موقع حلوياتي موقع كل مراة عربيه يقدم لكم مجموعه جديدة من الحلويات من اعداد الاخت سعديه المودن اتمنى ان تنال رضاكم
صابلي
250غ الزبدة
كاس السكر
كاس الزيت
2 بيضات
1 خميرة الحلوى
ساشي الفاني
الدقيق حسب الخليط.
نخدم الزبدة مع السكر جيدا نضيف باقي المكونات للحصول على عجينة طرية دون الدلك تغطى في كيس بلاستيك وتترك ترتاح في الثلاجة لمدة 30 د على الاقل ..
من بعد نبسطها بين 2 بلاستيكات وتقطع بالقطاع حسب الرغبة ممكن نعمل تزيين بالمنكاش وندخلها الفرن ..
نلصق 2 قطع اما بالمربى او بالشكلاط حسب الاختيار ونمر الجوانب اما في المربى او الناباج ونفندهم في اللوز او كاوكاو مهرمش ..
وبالصحة والراحة
الغريبة المنقوشة
250غ الزبدة
200غ السكر كلاصي
15سل زيت
125غ الجلجلان
60غ اللوز مقطع قطع صغيرة
80غ الزبيب كذلك مقطع قطع رقيقة
2 بيضات
700غ الدقيق ممكن اقل ممكن اكثر بقليل حسب نوعية الدقيق
2 خميرات الحلوى
سكر كلاصي للتفنيد.
نخدم الزبدة مع السكر مزيااان ثم نضيف الزيت والجلجلان واللوز والزبيب والبيض ونخلط الكل جيدا ثم نضيف الدقيق بالتدريج مع الخميرة الى ان نحصل على عجينة لينة يسهل تشكيلها نشكلها كويرات تصفف في صفيحة فرن وترشم بالمرشم وندخلها الفرن سخون حتى تتحمر قلييييلا بمجرد ما نخرجها من الفرن نفندها في السكر كلاصي وبالصحة والراحة
حلوة باللوز والتمر ساهلة ورائعة-
250غ اللوز مسلوق ومطحون مع 125غ السكر
بيضة
ملعقة الزبدة
2 معالق قشرة البرتقال معسلين ومطحونين مع واحد ملعقة الدقيق
125غ الكركاع مهرمش
125غ التمر مطحون مع واحد ملعقة الناباج او ملعقة المربى
نخلط جميع المكونات للحصول على عجينة نوضعها في كيس بلاستيك وندخلها الثلاجة ترتاح شوية من بعد ناخدها ونبسطها شوية بين 2 بلاستيكات لتسهيل بسطها مع مرعاة عدم بسطها كثيرا نقطعها بالطابع حسب الاختيار اما دائري او مربع او معين كما في الصورة حسب الاختيار ونوضعهم في صفيحة فرن وندخلها الفرن لمدة قصيرة غير بمجرد تماسك نخرجها ونخليوها تبرد من بعد نزينها بالشكلاط المذاب .
وبالصحة والراحه
الفقاص بالمربى
6 بيضات
زلافة متوسطة الحجم السكر
نفس الزلافة الزيت
فاني
2 خميرات الحلوى
الدقيق حسب الخليط
الجلجلان والمربى المشمش
نخلط البيض مع السكر والفاني مزيان حتى يذوب السكر ثم نضيف الزيت
زنخلط ونجمع الخليط بالدقيق المغربل مع الخميرة للحصول على عجينة متماسكة وطرية نقسمها كويرات ونبسط كل كويرة بالمدلك وندهنه بالمربى ونرش فوق ه بالجلجلان ونلفو للحصول على حربل ويوضع فوق صفيحة الفرن نفس العملية حتى نهاية جميع الكويرات وندهنهم باصفر البيض مخفوق مع قلييييل من قهوة سريعة الذوبان ونعمل خيوط بالفرشيط وندخله الفرن بارد العافية تكون مهيلة حتى يتماسك نخرجه ونغطيوه ويترك يبرد من بعد نقطعوه مائل ونرجعوه الفرن يتحمر من الجهتين ..
حلوة البوق-
250غ الزبدة
كاس ونصف زيت
كاس السكر
نصف كاس ماء الزهر
الدقيق حسب الخليط
1 خميرة الحلوى.
نخدم الزبدة مع السكر مزياااان ثم نضيف باقي المكونات العجينة تكون رخوة لتسهيل اخراجها من البوق نشكل وريدات فوق صفيحة الفرن وندخلها الفرن حتى يتورد لونها من بعد ما تبرد نزين وسطها بالشكلاط او بالمربى او حسب الرغبة
غريبة الكوك-
4 بيضات
كاسان مسحوق السكر
كاسان زيت
كيس فاني
2 خميرات الحلوى
كاس الدقيق الفورص
الكوك حسب الخليط تقريبا نصف كيلو
نخلط البيض مع السكر والفاني نضيف الزيت ونخلط ونضيف كاس الدقيق مع الخميرا ونخلط ونضيف الكوك بالتدريج حتى نحصل على خليط مرخوف يترك لبضع دقايق ثم نشكل منه كويرات نفندهم في السكر كلاصي ونوضعهم في صفيحة فرن مفروشة بورق الزبدة وندخلها الفرن سخون العافية تكون على الوجه بمجرد تشقق الغريبة نطفيو العافية من الفوق ونشعل التحتية تكمل طيابها ..
نخرجها ونخليوها حتى تيرد ثم نزولها من الصفيحة وتقدم بالصحة والراحة
حلوة البوق بالمربى هشيشة ولذيذة-
250غ الزبدة
كاس متوسط والنصف زيت
كاس السكر
2 بيضات
1 خميرة الحلوى
الدقيق حسب الخليط.
نخدم الزبدة مع السكر مزيااان كنضيف باقي المكونات والدقيق بالتدريج الى ان نحصل على عجينة رخوة لسهولة اخراجها من البوق ثم بواسطة البوق نشكل وريدات وندخلها الفرن حتى تتحمر قليلا تخرج وتزين حسب الرغبة انا هنا زينتها بالمربى بعد تسخينه قليلا لكي يتماسك فوق الحلوى تقدم بالصحة والراحة ..
 |
غريبة الكوك والسميدة
3 بيضات
كاس ونصف السكر
كاس ونصف زيت
قبيصة ملح
1 خميرة الحلوى
قطرات من روح البرتقال
250غ الكوك مطحون
سميدة رقيقة حسب الخليط تقريبا نصف كاس.
نخدم البيض مع السكر وقبيصة ملح جيدا نضيف باقي المكونات وفي الاخير نضيف السميدة رقيقة بالتدريج الى ان نحصل على خليط مرخوف يترك قليلا كي يتشرب ثم نشكل منها كويرات وتفند في السكر كلاصي وندخله الفرن سخون مسبقا والعافية تكون من الفرق على وجه الغريبة بمجرد ماتشقق نطفيو العافية من الفوق ونشعلها من الاسفل تكمل طيابها وبالصحة والراحة
 |
حلوة الشهدة بالشكلاط والكوك رائعة
لتحضير البسكوي..
125غ الزبدة
نصف كاس حليب
نصف كاس زيت
نصف كاس السكر
بيضة
1 خميرة الحلوى
قبيصة ملح
الدقيق حسب الخليط..
200غ الكوك
500غ الشكلاط
3 بيضات
ملعقة كبيرة زبدة
نخدم الزبدة مع السكر جيدا ثم نضيف الزيت والملح ونخلط الى ان نحصل على شبه كريمة ثم نضيف البيضة ونزيد نصف كاس حليب ونخلط ونضيف الدقيق مع الخميرة الى ان نحصل على عجينة متماسكة تبسط فوق الطاولة بالمدلاك وترفع فوق الطاوة نعيد نبسطها بشكل متساوي كما في الصورة ونقطعها بشكل عشوائي وندخلها الفرن ..
من بعد ملي يبرد يفتت كما في الصورة.
في كسرولة نوضع 4 معالق كبار زيت ونضيف الشكلاط ونذوبها على طريقة حمام مريم ..
نقسم البيض ونطرب ابيض البيض الى ان يتضاعف حجمه ونضيف اصفر البيض الى الشكلاط المذاب ونخلط الى ان يتجانس الكل ونضيف ملعقة الزبدة ونخلط مزياااان.
في اناء اخر كبير نوضع الشكلاط ونضيف ابيض البيض المطرب ونخلط ثم نضيف البسكوي المفتت الى ان نحصل على خليط تقيل يقسم الى خمسة ويحربل بمساعدة الكوك ويضغط لتشكيله على شكل مثلث يترك حتى يتماسك او يدخل الى الثلاجة حتى يتماسك ثم يقطع للحصول على الشكل النهائي وبالصحة والراحة.
 |
 |
