السلام عليكم ورحمة الله وبركاته موقع ام ايمن يقدم لكم طريقة اعداد الفواكه المعسلة في البيت من الاخت نعيمة جزاها الله كل خير
طريقة صنع الفواكه المعسلة بيديك لتزيين الحلويات وتوفير الثمن باش كتشريها
الطريقة ساهلة جدا و بسيطة وخا فيها شوية الوقت : كنحتاجو لقشور البرتقال يكونو بداك اللب الابيض ديالهم كتغسليهم مزيان و كديريهم فشي طاسة و تكبي عليهم الما البارد و ديريهم فالثلاجة و تبقاي تبدلي ليهم داك الما ثلات مرات فاليوم لمدة خمس ايام او اكتر حتى تحيد ليهم ديك المرورية ديالهم , من بعد كتقطعيهم مربعات صغار و ديريهم فكاسرونة مع الما و تخليهم يغلاو مدة 5 دقايق و تبدلي الما تاني و تكرري هاد العملية شي 4 مرات من بعد كديريهم يقطرو مزيان و كتعبري كل كاس من هاد القشور مع كاس سنيدة و كاس ما و ديريهم فوق عافية مهيلة حتى يبان ليك بداو يتعسلو و ضيفي الملون لي بغيتي احمر اصفر اخضر و معاهم نقيطات من المنكهات بحال روح الفريز و البيستاش و ملي بتعسلو ديريهم يقطرو و حتافضي بيهم فباطات فالفريكو حتى تحتاجيهم و بالصحة و الراحة كيجيو زوينين بزاف انا كليت نصهم هههه و اهم حاجة انهم اقتصاديين و كيخرجو كمية كبيرة عكس ديال الحانوت لي كيتباعو غاليين و بكمية قليلة , ما تنساونيش من دعواتكم الجميلة
.jpg)
ليست هناك تعليقات:
إرسال تعليق