جينواز رولي بالشكلاط

السلام عليكم ورحمة الله وبركاته موقع ام ايمن يقدم لكم اليوم كيك جينواز رولي بالشكلاط من شهيوات الاخت سعدية جزاها الله عنا كل خير نخليكوم مع المقادير الجنواز 

100غ الدقيق الفورص نوع ممتاز مخلط مع 2 معالق كبار بودرة الكاكاو

100غ السكر

4 بيضات

كيس فاني

راس معلقة خميرة الحلوى

للتزين..

كريمة شانتيي

الشكلاط.

في اناء نطرب البيض مع السكر والفاني بالطراب الكهربائي حتى يتضاعف الحجم نضيف الدقيق المغربل مع راس معلقة الخميرة وبودرة الكاكاو ونضيف بالتدريج ونحرك بملعقة خشب الى ان تتجانس جميع المكونات ونصب الخليط في صفيحة مفروشة بورق الزبدة بشكل متساوي وندخلها الفران سخون لمدة 10د فقط.

من بعد نقلب الجينواز على ورق زبدة اخر مرشوش بالسكر ونلفه على شكل رولي ويدخل الثلاجة حتى يبرد ثم نعاود نفتحو الجينواز يسقى بالسير اللي عبارة عن سكر + ماء ونبسط الكريمة فوقه ونعاود نلفوه ونطليو الكريمة فوق الرولي ويزين بالشكلاط ..

وبالصحة والراحة.