الفقاص بالفواكه المعسلة

السلام عليكم ورحمة الله وبركاته موقع ام ايمن يقدم لكم اليوم الفقاص بالفواكه المعسله 

طريقة تحضير فقاص بالفواكه المعسلة بالصور

مقادير فقاص بالفواكه المعسلة

250غ زبدة
180 غ سكر كلاصي
2 بيضات
4 معالق كبار زيت
الدقيق تقريبا 600 غرام
معلقة صغيرة قرفة
نصف معلقة صغيرة زنجبيل
نصف باكية خميرة الحلوى
فواكه معسلة
ممكن ديروالكركاع مهرمش والزبيب اواللوز و المشماش مقطع يعني كيبقى الاختيار لكم
طريقة تحضير فقاص بالفواكه المعسلة
كنخلطو الزبدة والسكر كلاصي مزيان
ثم نزيدو الزيت و البيض و القرفة و سكنجبير
(ممكن تسنغناو على القرفة وسكنجبير و نديرو الفاني )
و الفواكه المعسلة نزيدو الدقيق و الخميرة بالتدريج حتى تجمع العجينة
واخا تحسو بها مطلوقه ماشي مشكل
نفرقو العجينة على اربعة و نشكلوها حرابل ما تكونش غليضة
و نلفو كل حربول فالبلاستيك الغذائي و دخلوها للمجمد تقريبا نصف ساعة
او اكثر
ثم نخرجوها من المجمد و نمرمدو الحريبلات في سكر سنيدة مخلط مع الفاني و نقطعو بالسكين دوائر و نحطوهم في طاوة مباعدين شوية 
ندخلوهم للفرن سخون غير يولي اللون مذهب شوية ونخرجوهم 
وهاهو فقاص بالفواكه معسلة واجد