رغيفات شهوة مقليين

السلام عليكم ورحمة الله وبركاته موقع ام ايمن يقدم لكم اليوم رغيفات شهوة مقليين 

رغيفات شهوة مقليين  

مقادير رغيفات شهوة مقليين  

رابعة فورص

معلقة جنجلان

نصف معلقة صغيرة نافع انا مدرتهاش

معلقة صغيرة زبدة

ربع معلقة خمارة الحلوى

شوية خمارة معجونة

معلقة كبيرة سنيدة

شوية ملح

اصفر بيضة

لجمع العجين حاجتنا لماء دافئ مخلط مع شوية زعفران ونصف كاس صغير ماء زهر

 طريقة تحضير رغيفات شهوة مقليين

 نخلط النواشف مع اصفر بيضة ونبسبسو بيدينا 

من بعد نضيفو الماء الكافي للي مخلط بماء زهر وزعفران

 العجينة تكون ما قاصحة ما مضقصة وندلكها ونخليها ترتاح

من بعد نسرحوها بالدلاك ونقطعوها مربعات او دوائر لي حبيتو منستاعملوش

 الزيت فاش نبغيو نسرحوها نكتفيو فقط بالدقيق

ولما نقطعوها نقليوها في زيت ساخن ونستقطروها

 ونرشوها بالعسل والزنجلان وهاهما رغيفات شهوة مقليين واجدين

بالصحة والراحة